Mga panalangin sa pag-aalala at kalungkutan

O Allah, ako ay lingkod Mo, anak ng Iyong lalaking lingkod at ng Iyong babaeng lingkod. Nasa kamay Mo ang buhok sa aking noo. Natutupad sa akin ang Iyong hatol, at makatarungan ang Iyong itinakda para sa akin. Hinihiling ko sa Iyo, sa bawat pangalang sa Iyo—ipinangalan Mo man ito sa Iyong sarili, ibinaba sa Iyong Aklat, itinuro sa isa sa Iyong mga nilikha, o iningatan sa kaalaman Mo sa di-nakikita—na gawin Mong tagsibol ng aking puso ang Qur’an, liwanag ng aking dibdib, pang-alis ng aking lungkot at pampawi ng aking alalahanin.

O Allah, nagpapakupkop ako sa Iyo laban sa pag-aalala at lungkot, kawalan ng kakayahan at katamaran, karamutan at kaduwagan, bigat ng utang at paniniil ng mga tao.