فکر اور غم کی دعائیں

اے اللہ! میں تیرا بندہ ہوں، تیرے بندے اور تیری بندی کا بیٹا ہوں۔ میری پیشانی تیرے ہاتھ میں ہے۔ میرے حق میں تیرا حکم نافذ ہے اور میرے بارے میں تیرا فیصلہ سراسر انصاف ہے۔ میں تجھ سے تیرے ہر اُس نام کے واسطے سے سوال کرتا ہوں جو تو نے اپنا رکھا، اپنی کتاب میں اتارا، اپنی مخلوق میں سے کسی کو سکھایا یا اپنے پاس علمِ غیب میں اپنے ہی لیے مخصوص رکھا ہے، کہ قرآن کو میرے دل کی بہار، میرے سینے کا نور، میرے غم کو دور کرنے والا اور میری فکر کو مٹانے والا بنا دے۔

اے اللہ! میں فکر اور غم، بے بسی اور سستی، بخل اور بزدلی، قرض کے بوجھ اور لوگوں کے غلبے سے تیری پناہ مانگتا ہوں۔