Àwọn àdúrà nígbà tí a bá ń wọ ọjà

Kò sí ẹni tí ó yẹ fún ìjọsìn àfi Ọlọ́hun nìkan, kò ní alábàáṣepọ̀. Ti Rẹ̀ ni ìjọba, ti Rẹ̀ sì ni gbogbo ìyìn. Ó ń fúnni ní ìyè, Ó sì ń gba ẹ̀mí. Alààyè ni Òun, kì í kú. Oore wà ní ọwọ́ Rẹ̀, Ó sì lágbára lórí ohun gbogbo. (Ọlọ́hun yóò kọ ẹgbẹ̀rún lọ́nà ẹgbẹ̀rún iṣẹ́ rere sínú àkọsílẹ̀ rẹ̀, nu ẹgbẹ̀rún lọ́nà ẹgbẹ̀rún ẹ̀ṣẹ̀ rẹ̀ nù, kí Ó sì gbé e ga ní ẹgbẹ̀rún lọ́nà ẹgbẹ̀rún ipò. Ìròyìn mìíràn sọ pé Ọlọ́hun yóò kọ́ ilé fún un ní Ọgbà Ìdẹ̀ra.)

Ní orúkọ Ọlọ́hun. Ọlọ́hun, mo ń béèrè lọ́wọ́ Rẹ fún oore ọjà yìí àti oore ohun tí ó wà nínú rẹ̀. Mo ń wá ààbò lọ́dọ̀ Rẹ lọ́wọ́ ibi rẹ̀ àti ibi ohun tí ó wà nínú rẹ̀. Ọlọ́hun, mo ń wá ààbò lọ́dọ̀ Rẹ kí n má bàa búra èké tàbí ṣe òwò tó máa ṣòfò níbí.