Títọrọ ìdáríjì àti rírònúpìwàdà sí ọ̀dọ̀ Ọlọ́hun

Ọlọ́hun, Ìwọ ni Olúwa mi. Kò sí ẹni tí ó yẹ fún ìjọsìn àfi Ìwọ. Ìwọ ló dá mi, ẹrú Rẹ sì ni mí. Mo dúró lórí májẹ̀mú àti ìlérí mi pẹ̀lú Rẹ bí agbára mi ti mọ. Mo ń wá ààbò lọ́dọ̀ Rẹ lọ́wọ́ ibi ohun tí mo ti ṣe. Mo jẹ́wọ́ oore Rẹ lórí mi, mo sì jẹ́wọ́ ẹ̀ṣẹ̀ mi. Dárí jì mí, nítorí kò sí ẹni tí ń dárí ẹ̀ṣẹ̀ jì àfi Ìwọ.

Mo ń béèrè ìdáríjì lọ́wọ́ Ọlọ́hun Nlá, ẹni tí kò sí ẹni tí ó yẹ ìjọ́sìn àfi Òun, Alààyè, Alábòójútó gbogbo nǹkan; mo sì ronú pìwà dà sí ọ̀dọ̀ Rẹ̀.

Mo ń tọrọ ìdáríjì lọ́dọ̀ Allah, mo sì ronúpìwàdà sí Ọ.

Ẹyin eniyan, ẹ ronupiwada si Ọlọhun, nitori Mo ronupiwada si Rẹ ni igba ọgọrun ni ọjọ kan.

Apá ìkẹyìn òru ni Olúwa sún mọ́ ẹrú Rẹ̀ jù lọ. Bí o bá lè wà lára àwọn tí ń rántí Ọlọ́hun ní wákàtí yẹn, ṣe bẹ́ẹ̀.

Ìgbà tí ẹrú bá ń forí balẹ̀ ni ó sún mọ́ Olúwa rẹ̀ jù lọ. Nítorí náà, ẹ pọ̀ sí i nínú ẹ̀bẹ̀ yín.

Nígbà míì, ohun kan dà bí ohun ìbòjú lórí ọkàn mi. Mo sì ń tọrọ ìdáríjì lọ́dọ̀ Ọlọ́hun ní ọgọ́rùn-ún ìgbà lójúmọ́.